Nire espazioa, logela

Nire logela gaur egun, ez da denbora gehien pasatzen dudan tokia, izan ere kanpoan ikasten ari naizenez,  asteburuetan soilik bueltatzen naiz. Hala ere, nire logela betidanik nire espazioa pertsonala eta nire gordelekua izan da bakarrik egon nahi izan dudanean.

Hegoaldera begira dagoenez oso epela, erosoa eta argitsua da. Logelak duen leiho bakarretik etxeko lorategia, atzeko etxeak eta urrunago dauden beste eraikinak eta mendiak ikus daitezke. Urtean zehar, egunez,  urtaroen aldaketak nabari ditzaket zuhaitzen eta loreen koloreen aldaketei erreparatuz. Gauez, aldiz, ilargiaren fase desberdinak liluratzen naute ohean etzanda nagoela, izan ere ohea leihoetatik hurbil dago.

 Logelako atetik sartzean leihoetatik ikusten den paisaia ikusten da, izan ere hauek ate aurrean daude. Ezkerrean horman sartutako armairua dago, non eguneroko arropa gordetzen dut. Beste aldean dagoen apalategi batean nire gustukoak diren liburuen bildumak, zenbait panpina, bidaietako oroigarriak eta jendeak oparitutako gauza txikiak kokatuta daude. Honen alboan, sinfonier bat dago zeinean armairuan sartzen ez den arropa, gerrikoak, fularrak eta entrenatzeko arropa dago. Logelaren beste aldean mahaia eta ohea dago zeinetan lan eta lo egiteaz gain, musika entzun, pentsatu, irakurri, amets egin eta abar egiten dut.

Askotan, nire logela oihuka eskatzen dit ordenatzeko, baina gehienetan ez diot kasurik egiten, ondorioz, mahaia, aulkia eta sinfonierra paperen, arroparen eta abarren azpian galtzen dira.